Goşgular Çemeni
Başyň dik, göwnüň kiçi,
Höräm, höräm, hörelim.
Süýt sagyp, aýran içip,
Hözirini göreliň!
Dünýe maly diýilen,
Süýdi, ýüňi, eti em.
Uzak-uzak menzile,
Maýa münüp ýetiler.
Aýran içen nähoşam,
Hassalykdan halasdyr.
Ýüňüne näme diýjek,
Ýorgan-düşek, palasdyr.
Iki ýyldan bir gezek,
Ýüzüň düşýär köşege.
Ýüz gezek nesip etsin,
Ýene döläp-döşeme.
Köşejigiň ulalsa,
Atyp şoňa kejebe.
Gelnalyja gideris —
Şeý diýýän men ejeme.
Başy dik, göwni kiçi,
Höräm, höräm, hörelim.
Süýt sagyp, aýran içip,
Hözirini göreliň!