Bir gün bag deý ýanyp-köýseň...

Bir gün bag deý ýanyp-köýseň,

(Baky gelen barmy, eýsem?)

Abraýňy ataňa goýsaň,

Ogluňa atyňy goýsaň,

Bugdaýa meýdany goýsaň,

Zemine asmany goýsaň,

Gurmadygňy goýsaň eger,

Deňi-duşlaň dowam eder.

Sährany şähere goýsaň,

Tohumy bahara goýsaň.

Goýsaň,

Goýsaň,

Köp zat goýsaň,

Derdiňi enä goýmasaň.

Dert alynmaz ýöne ýere,

Kim başyn hesrete goşýar?

Ýöne mydam enelere

Üleşikde şu paý düşýär.